د هرات ښاروال له لوري د ۴ میلیونه افغانیو په لګښت د عرفان ښارګوټي د وروستي سړک د اسفالت پروژې پرانیسته او ګټې اخیستنې ته سپارل.

web_admin
چهارشنبه ۱۴۰۵/۷/۸ - ۱۰:۴۰
د هرات ښاروال له لوري د ۴ میلیونه افغانیو په لګښت د عرفان ښارګوټي د وروستي سړک د اسفالت پروژې پرانیسته او ګټې اخیستنې ته سپارل.

د عرفان ښارګوټي د وروستي سړک د اسفالت پروژه، چې ورسره د سړک دواړو غاړو ته د کانالونو جوړول هم شامل دي، د هرات ښار د شپږمې ناحیې په مربوطاتو کې د ۲۹۰ مترو په اوږدوالي او ۷ مترو مؤثره سور سره، د هرات ښاروالۍ له انکشافي بودیجې څخه د ۴ میلیونه افغانیو په لګښت بشپړه او د یوې رسمي غونډې په ترڅ کې پرانیستل شوه او ګټې اخیستنې ته وسپارل شوه.

د دې پروژې د ګټې اخیستنې په مراسمو کې د هرات ښاروال الحاج مولوي حمدالله نعماني، د هرات ښاروالۍ د تخنیکي او مسلکي چارو رئیس انجینیر محمد ایوب سیف‌الجهاد، د دفتر او شپږمې ناحیې آمرین، د انجینرۍ عمومي مدیر، د سیمې مخور، د ګذر وکیلان او د سیمې د انکشافي شوراګانو رئیسانو ګډون کړی و.

د ښاروالۍ مسؤولین وایي، چې دغه پروژه د سړکونو د وضعیت د ښه والي، د اوسېدونکو د تګ راتګ د اسانتیا او د غوره ښاري اسانتیاوو د برابرولو په موخه پلې شوې ده.

دوی ټینګار کوي، چې د هرات ښاروالۍ هڅه کوي د زیربنایي او انکشافي پروژو په پلي کولو سره د ښار د بېلابېلو ناحیو اوسېدونکو ته معیاري سړکونو او غوره ښاري خدمتونو ته د لاسرسي زمینه برابره کړي.

په همدې حال کې، د عرفان ښارګوټي یو شمېر اوسېدونکو د دې پروژې د بشپړېدو او ګټې اخیستنې هرکلی وکړ او د دغه سړک اسفالت یې د ترانسپورتي وضعیت د ښه والي، د تګ راتګ د اسانتیا او د ژوند د کیفیت د لوړولو په برخه کې یو اغېزمن ګام وباله. دوی همدارنګه د ښار د بېلابېلو سیمو متوازن پرمختګ ته د هرات ښاروالۍ د پاملرنې قدرداني وکړه.

له بلې خوا، د قراردادي شرکت مسؤولین وایي، چې د پروژې چارې د تخنیکي معیارونو سره سم او په مطلوب کیفیت بشپړې شوې دي.

د یادونې وړ ده، چې د دې پروژې چارې د «بنیاد ساز کهن» ساختماني او سړک جوړونې شرکت له لوري، د تخنیکي مشخصاتو مطابق، د یوې میاشتې په موده کې بشپړې او ګټې اخیستنې ته وسپارل شوې.

افتتاح

تازه ترین اخبار

شنبه ۱۴۰۵/۸/۳۰ - ۱۴:۴۶
Background image

افتتاح و آغاز کار پروژه کانکریت‌ریزی کوچه‌های گذر نهم ناحیه چهاردهم با هزینه‌ای حدود ۱.۵ میلیون افغانی از بودجه انکشافی شاروالی هرات.

کار پروژه کانکریت‌ریزی کوچه‌های گذر نهم ناحیه چهاردهم شهر هرات، واقع در منطقه «مرحوم حاجی ولی‌احمدخان یوسفزایی»، به طول ۳۱۰ متر و عرض ۵ متر، همراه با احداث کانال مربوط، با هزینه‌ای. . .

شنبه ۱۴۰۵/۸/۳۰ - ۹:۹
Background image

افتتاح و آغاز کار پروژه زیرسازی و قیرریزی لین شمالی سرک از رود قارون تا بازار موترفروشان با هزینه‌ای نزدیک به ۴۰ میلیون افغانی از سوی شاروال هرات و هیئت همراه شان.

پروژه زیرسازی و قیرریزی لین شمالی سرک از رود قارون تا بازار موترفروشان همراه با احداث کانال یک طرف آن واقع در ناحیه سیزدهم شهر، به طول ۲ کیلومتر و عرض ۱۰ متر با هزینه‌ای مجموعی ۳۹. . .

شنبه ۱۴۰۵/۸/۲ - ۱۱:۴
Background image

جریان کار قیرریزی لایه نخست حاشیه لین شرقی سرک عمومی مستوفیت تا چهارراه باغ‌مراد در ناحیه هشتم شهر هرات.

کار قیرریزی لایه نخست حاشیه لین شرقی سرک عمومی از مستوفیت الی چهارراه باغ‌مراد، واقع در ناحیه هشتم شهر هرات، از سوی شاروالی هرات آغاز شده است.
قرار است این سرک در دو لایه قیرریزی شده و. . .

BACK TO NEWS