د هرات ښاروالۍ انکشافي بودیجې څخه د ۳،۵ میلیون افغانۍ په لګښت د امام مسلم ۳۲ جادې د اسفالټ پروژه بشپړ او ګټنې ته ورسول شوه.
د امام مسلم ۳۲ جادې د بنسټېزو لایو او اسفالټ پروژې چارې د ۴۵۰ متر په اوږدوالي او جادې د دواړو غاړو لښتیو او اړتیا وړ پلچکونو د جوړولو په ګډون ددغې ادارې پرمختیايي بودیجې څخه د ۳،۵ میلیون افغانۍ په لګښت د قراردادي شرکت له لوري بشپړ او ګټې اخیستنې ته وسپارل شوه.
ددغې پروژې د ګټې اخیستنې ته مراسمو کې د ښاروالۍ ریاست د پلان آمر انجینیر عتیق الله معرفي، د پنځمې ناحیې آمر مولوي محمد نسیم شهیدزاده، د اړوند برخو مسؤلانو، د سیمې مخور، مشرانو او ګذرونو وکیلانو حضور درلود.
د قراردادي شرکت مسؤلان، د پروژې د کیفیت په تړاو ډاډ ورکوي او وايي، چې دغه پروژه د تخنیکي معیارونو سره سم او د شرطپاڼې او قرراداد د موادو سره سم په خپل ټاکلې مهال بشپړ شوه.
بلخوا، د امام مسلم ۳۲ جادې سیمې اوسیدونکي د یاد سړک د اسفالټ کولو څخه خوښ دي او وايي، چې د پروژې په بشپړ کېدو سره يې زیاتې چاپېریالي ستونزې هوارې شوي او د تګ راتګ په برخه کې لازم سهولتونه ورته برابر شوي دي.
د ویلو ده، چې د دغې پروژې چارې د ۳ تقویمي میاشتو په ترڅ کې د سیف الوزیري او قاریزاده صدیقي ساختماني شرکتونو له لوري د ۳ تقویمي میاشتو په ترڅ کې بشپړ شوي ده.
