د هرات ولایت د صرافانو سوداګریز سهامي ټولنې رئیس او غړو هرات ښاروال سره ولیدل
د هرات ولایت د صرافانو سوداګریز سهامي ټولنې رئیس بهاء الدین رحیمي او د یادې ټولنې غړو د هرات ښاروال محترم ملا نعمت الله «حسن حاجي صاحب» سره ولیدل او نوموړي ته يې د نوي دندې مبارکۍ ویلو سربېره د هرات ښاروالۍ ادارې له ټولو رغنده پروګرامونو د لاښه پلي کېدو په موخه ملاتړ څرګند او د همکارۍ ډاډ يې ورکړ.
په ورته مهال کې د هرات ښاروال ملا نعمت الله «حسن حاجي صاحب» دوی ته د ښه راغلاست ویلو ترڅنګ څرګنده کړه، ښاروالي د ټولو پرګنو ګډ کور دی او ټول ښاریان باید د ښار د پرمختګ او انکشاف په برخه کې برخه واخلي.
د هرات محترم ښاروال صاحب همدا ډول د هرات له ټولو صرافانو وغوښتل، چې د هرات ښار د عمران او ودانۍ په برخه کې همکاري وکړي.
