هرات ښار کې د هیواد په کچه د موټرو لپاره د ځمکتل تر ټولو لویه پروژه افتتاح او اجرائیوي چارې يې پیل شوې.

web_admin
دوشنبه ۱۴۰۴/۶/۱۰ - ۹:۶
زیر گذر

د هیواد په کچه د معیاري ځمکتل د جوړولو تر ټولو لومړی او لویه پروژه د ۶۵ میلیون افغانۍ په ارزښت د هرات ولایت سیمه اېزې ادارې مسؤلانو په شتون کې افتتاح شوه.

دغه پروژه ۶۶۰ متر اوږدوالی او ۸ متر پلنوالی لري، چې د دویمې او درېيمې ناحیو اړوند د فهیم مارکيټ څخه بیا د اوبو رسونې تر ریاست او د اوبو رسونې له ریاست څخه بیا د مخابراتو تر جادې پورې به ورغول شي. یاده پروژه د هرات ښاروالۍ ادارې پرمختیايي بودیجې څخه تمویلیږي او نن ورځ رسما د هرات والي محترم شیخ الحدیث نوراحمد اسلام جار، د هرات ښاروال ملا نعمت الله (حسن حاجي صاحب)، د یو شمېر ادارو رئیسانو او مسؤلانو په شتون کې افتتاح او اجرائیوي چارې يې د قراردادي شرکت له لوري پیل شوې.

د پروژې د پرانیستلو په دغه مراسمو کې د هرات والي شیخ الحدیث مولانا نور احمد اسلام جار څرګنده کړه، چې دغه پروژه د افغانستان په کچه لویه پروژه ده، چې د ترافیکي ګڼه ګوڼې د کمښت او د هرات ښار د ښکلا د زیاتوالي په موخه د هرات ښاروالۍ له لوري پلې کېږي. د هرات والي دغه راز زیاته کړه، چې د هرات ښار ورځني اړتیاوي د سیمه اېزې ادارې له لوري څېړل کېږي او د موټرو لپاره د ځمکتل جوړول یو له اړینو او مهمو اړتیا وو څخه بلل کېږي.

د هرات والي په خپلو خبرو کې د هرات ښاروالۍ له دوامداره هڅو او پرمختیايي کړنو څخه د ستاینې ترڅنګ د اړوند ادارو له مسؤلانو او هرات خلکو وغوښتل، چې د دغې پروژې د لاښه پلي کېدو په موخه د ښاروالۍ ادارې سره همکاري وکړي.

په ورته مهال کې د هرات ښاروال ملا نعمت الله (حسن حاجي صاحب) د دغې سترې انکشافي پروژې د کار د پیل له امله خوښي څرګنده کړه او زیاته يې کړه، چې د هرات ښاروالۍ ادراه په روان ۱۴۰۴ مالي لمریز کال لپاره ۷۷ لویې پرمختیايي پروژې د ۹۷۰ میلیون افغانۍ په ارزښت په پلان نیولي ، چې تر دې مهاله د ۱۲ انکشافي پروژو چارې بشپړ شوي او د ۴۲ پروژو عملي چارې روانې دي او پاته پروژې تر تدارکاتي طی مراحل لاندې دی.


د هرات ښاروال دغه راز وویل، چې د زیرګذر د جوړو پروژه د ۱۴۰۴ مالي کال د لویو انکشافي پروژو له جملې څخه ده، چې په پلي کېدو سره یې د ترافيکي ستونزو د رفع کولو او ګڼه ګوڼې د کمښت او د تګ راتګ په برخه کې ښاریانو ته به لازمې او پراخي آسانتیاوي  برابرې شي.

په ورته مهال کې د قراردادي شرکت مسؤلان د دغې پروژې د کار د کیفیت په اړه ډاد ورکوي او وايي، چې د پروژې چارې به د قرارداد د مفاد او شرطپاڼې د مندرجاتو سره سم بشپړ کړي.

بلخوا، د هرات ښاریان د ددغې پروژې د کار د پیل له امله خوښي ښيي او وايي، چې دا پروژه به د ښار ښکلا، په تګ راتګ کې آسانتیا او ترافیکي ګڼه ګوڼه به خورا راکمه کړي، دوی د هرات ښاروالۍ او قراردادي شرکت له مسؤلانو غوښتنه کوي ترڅو د پروژې چارې په لوړ کیفیت په خپل ټاکلې مهال بشپړ کړي.
د ویلو ده، د ددغې پروژې چارې د قراردادي شرکت (هرات ټاور) له لوري د پنځمو نقویمي میاشتو په ترڅ کې بشپړ او ګټې اخیستنې ته وسپاري.

تازه ترین اخبار

چهارشنبه ۱۴۰۴/۷/۲ - ۸:۲۰
Background image

جریان کار پروژهء اعمار چهار طبق تعمیرخانهء فرهنگ مربوط ناحیهء ششم شاروالی هرات!

کار پروژهء اعمار اسکلت چهار طبق از ۷ طبقهء تعمیر خانه فرهنگ واقع تانک مرکز مربوط ناحیهء ششم شهر به هزینهء حدود ۲۶ میلیون افغانی از بودجه انکشافی شاروالی هرات جریان دارد.

گفتنیست که. . .

چهارشنبه ۱۴۰۴/۷/۲ - ۸:۱۵
Background image

افتتاح و بهره‌برداری از پروژهء احداث کانال سمت جنوب تانک مرکز تا بادمرغان به هزینهء حدود ۶ میلیون افغانی از سوی مسئولان شاروالی هرات.

پروژهء احداث کانال سرپوشیده در سمت جنوب جادهء تانک مرکز تا بادمرغان، به طول ۸۰۰ متر و با ابعاد (۱.۳۰ × ۱.۱۰)، به هزینهء حدود ۶ میلیون افغانی از بودجهء انکشافی شاروالی هرات، از سوی الحاج. . .

چهارشنبه ۱۴۰۴/۷/۲ - ۸:۱۳
Background image

نشست کمیتهء مؤظف ادارات پیرامون کنترول کرایه‌های منازل مسکونی در شاروالی هرات.

حسب هدایت مکتوب ۱۳۷۶بر ۱۳۵۱ مؤرخ ۱۵، ۳، ۱۴۴۷ هم.ق معینیت مالی و اداری مقام عالی وزارت جلیله عدلیه به ارتباط نظارت و کنترول اجارهء منازل مسکونی جلوگیری از ازدیاد بیشتر از ۱۰ فیصد اجاره. . .

BACK TO NEWS