د هرات ښاروالۍ د دولسمې ناحیې اړوند په قلعه ریګ سیمه کې د شاوخوا ۱.۳ میلیونه افغانیو په لګښت د کانال جوړولو پروژې پرانیسته او د کار پیل.
د هرات ښار د دولسمې ناحیې اړوند د قلعه ریګ کانال جوړولو پروژه، چې ۲۲۵ متره اوږدوالی او ۱.۱ متره پلنوالی لري، د هرات ښاروالۍ د پرمختیایي بودجې څخه د ۱ میلیون او ۲۷۶ زره او ۹۶۵ افغانیو په لګښت، د دولسمې ناحیې آمر الحاج ملا جمعه خان نقیب، د ښاري او سکتوري خدمتونو آمریت وارسي کونکی انجنیر محمدیار شهاب، د څارنې او ارزونې آمریت وارسي کونکی انجنیر سباوون کاکړ، د سیمې مشرانو، د ګذر وکیلانو، د پرمختیایي شوراګانو رئیسانو او یو شمېر سیمهییزو اوسېدونکو په حضور کې په رسمي توګه پرانیستل شوه او عملي کار یې پیل شو.
د یادونې وړ ده چې ټاکل شوې دغه پروژه د «عمران بختیار» ساختماني او سړک جوړونې شرکت له لوري د ۴۵ تقویمي ورځو په موده کې بشپړه او ګټې اخیستنې ته وسپارل شي.
یو شمېر د سیمې اوسېدونکو د دې پروژې له پیل څخه هرکلی وکړ او دا یې د سطحي اوبو د ستونزو د حل او په دې سیمه کې د ښاري خدمتونو د وضعیت د ښه والي لپاره یو اغېزناک ګام وباله.
له بلې خوا، د قراردادي شرکت مسئولینو هم ډاډ ورکړ چې پروژه به د تخنیکي معیارونو سره سم او په ټاکلي وخت کې بشپړه او د ګټې اخیستنې ته وسپارل شي.
