د هرات ښاروال او مل پلاوي له لوري د هرات لوی جامي جومات شمالي واټ کې د هرات ښاروالۍ ریاست ۱،۴،۵ ملکیتونو د رغولو پروژې چارې افتتاح او پیل شوې
د هرات ښاروالۍ د دویمې ناحیې اړوند د هرات لوی جامي جومات شمالي واټ کې د دغه ریاست د ۱،۴،۵ ملکیتونو د رغولو پروژې کار د هرات ښاروالۍ ذخیروي بودیجې څخه د ۳۸،۶ ملیونه افغانۍ په لګښت د هرات ښاروال الحاج ملا عبدالرازق راشد، د ښاري حکومتولۍ رئیس استاد محمد جاوید مایار، حقوقي سلاکار محمد اکبر شیرزاد، د څارنې او ارزونې آمر او د دغې ادارې د اړوند برخو ځینو مسؤلانو په شتون کې د کاشانه ودانیز شرکت له لوري افتتاح او چارې يې پیل شوې.
د ویلو ده، ټاکل شوې د یادې پروژې کار د ۱۸ تقویمي ورځو په ترڅ کې بشپړ او ګټې اخیستنې ته وسپارل شي.
دا په داسي حال کې ده، چې څه موده وړاندې هم په دري پوړه کې د هرات ښاروالۍ ۲ـ۳ـ۶ ملکیتونو د رغولو پروژې چارې د هرات ښاروالۍ ذخیروي بودیجې څخه د ۳۵ ملیونه افغانۍ په لګښت پیل شوي او چارې يې د قراردادي شرکت له لوري په چټکۍ سره روانۍ دي.
