د هرات ښاروالۍ د پنځلس ګونو ناحیو د ګذر وکیلانو او پرمختیايي شورا رئیسانو هرات ښاروال سره تعارفي غونډه وکړه
د هرات ښار د پنځلس ګونو ناحیو د ګذر وکیلانو او پرمختیايي شورا رئیسانو او د خلکو استازو د هرات ښاروال محترم ملا نعمت الله «حسن حاجي صاحب» سره د هرات ښاروالۍ ادارې د ښاري حکومتولۍ رئیس په شتون کې لیدنه وکړه.
په دغه لیدنه کې د ګذر وکیلانو او پرمختیايي شورا رئیسانو هرات نوي ښاروال ته د ښه راغلاست او نوي دندې مبارکۍ ویلو ترڅنګ، همدا ډول خپلې چاپېریالي ستونزې شریکې کړي او ډاډ يې څرګند کړ، چې د ښار د پرمختګ او ودانولو په برخه کې به د هرات ښاروالۍ مشرتابه او کارکوونکو سره به له هيڅ راز هڅو سمپا ونکړي.
په پای کې د هرات ښاروال ملا نعمت الله «حسن حاجي صاحب» د دوی د نظرونو، ستونزو او وړاندیزونو اوریدو سره سره څرګنده کړه، چې د هرات ښاروالۍ مشرتابه او کارکوونکو سره د ګذر وکیلانو او پرمختیايي شورا رئیسانو همکاري اړینه او ارزښت لرونکي ده او همدا ډول تري وغوښتل، چې د ښار د پاکۍ او صفايۍ، نیالګیو کښينولو او زرغونو سیمو پراختیا، د عوایدو راټولولو، د پرمختیايي او عام المنفعه پروژو د ساتنې او مراقبت په برخه کې رغنده او هراړخیزه همکاري وکړي.
په ورته مهال کې د ښار د ټولو ناحیو د ګذر وکیلانو او پرمختیايي شورا رئیسانو یو ځل بیا د هرات ښاروالۍ له ټولو رغنده پروګرامونو خپل هراړخیز ملاتړ څرګند کړ.
