د هرات مخکني ښاروال الحاج ملا عبدالرازق راشد صاحب د ښاروالۍ کارکوونکو او هرات ښاریانو سره د مخه ښې غونډه ترسره شول
په هغه غونډه کې چې په دې تړاو شوې وه؛ د هرات ولایت مقام معاونیت سرپرست الحاج مولوي حیات الله مهاجر، د هرات مخکنی ښاروال الحاج ملا عبدالرازق راشد، د ښاروالۍ ادارې مرستیال مولوي جلا الدین حقدوست، د دري ګونو ریاستونو رئیسانو( ښاري حکومتولۍ، عوایدو، تخنیکي او مسلکي)، پنځلس ګونو ناحیو آمرینو، د ګذر وکیلانو او پرمختیايي شورا رئیسانو، او د دغې ادارې د بیلابیلو کارکوونکو په شتون کې د هرات ښاروالۍ د غونډو په تالار کې ترسره شوه او په ترڅ کې يې د هرات مخکني ښاروال د هرات ولایت پتمنو ښاریانو او ښاروالۍ ادراې کارکوونکو سره مخه ښه وکړه.
د هرات ولایت معاونیت سرپرست الحاج مولوي حیات الله مهاجر فراهي د هرات ښار د پرمختیا، رغنیزو او بنسټیزو پروژو پلي کولو په برخه کې د هرات مخکني ښاروال حاجي راشد صاحب رغنده کړنې او فعالیتونه ارزښت لرونکي یاد کړه او په نوي دنده کې يې ورته د بریا دعا وکړه.
په دغه مراسمو کې، د هرات مخکنی ښاروال د هرات ښار د پرمختګ او آبادۍ په موخه او ښاریانو ته د بې وقفې چوپړتیاوو وړاندې کولو له امله د ولایت مقام مشرتابه او هرات ښاریانو له لوري د ستاینلیکونو او تندیس په وړاندې کولو سره وستایل شو.
د غونډې په دوام د هرات ښاروالۍ ادارې مرستیال الحاج مولوي جلال الدین حقدوست، د ښاري حکومتولۍ رئیس استاد محمد جاوید مایار، د عوایدو، محاسبې او اداري چارو رئیس مولوي جمیل جواد په خپلو ویناوو کې د هرات مخکني ښاروال حاجي راشد صاحب له ځلانده کارنامو یادونه وکړه او څرګنده يې کړه؛ چې د هرات ښاروالۍ عمراني، خدماتي او کلتوري برخو کې ټولې وړاندې شوي چوپړتیاوي د مخکني ښاروال د بې دریغه هڅو پایله ده.
په ورته مهال کې د هرات مخکني ښاروال او بلخ ولایت نوي امنیه قومندان د هرات ښاریانو او ښاروالۍ ادارې کارکوونکو سره د مخه ښې په غونډه کې د دوی د هراړخیزې همکارۍ او ملاتړ څخه مننه وکړه او ترې وغوښتل، چې د هرات له نوي ښاروال سره همکاري جاري وساته.
د ویلو ده، د غونډې په وروستۍ شېبو کې د ښاروالۍ ادارې د بېلابېلو برخو مسؤلان او کارکوونکي د هرات مخکني ښاروال حاجي راشد صاحب له لوري وستایل شوه.
