پر قارون رود د نوي پل د جوړولو پروژې چارې په جدیت او چټکۍ سره روانې دي.
د هرات ښاروالۍ د انجینیرۍ څانګې مسؤلان وايي، چې پر قارون رود د نوي پل د جوړولو پروژې شاوخوا 65 سلنه فزیکي پرمختګ کړی او ودانیزې چارې يې په جدیت سره روانې دي.
دغه پل ۱۱۱ متر اوږدوالي او ۱۶،۵ متر پلنوالی لري، چې د هرات ښاروالۍ پرمختیايي بودیجې څخه د ۵۰ میلیون افغانۍ په لګښت د پلي کېدو په حال کې ده.
په همدې حال کې، د هرات ښاروالۍ انجینیران او د اړوند برخو مسؤلان د پروژې د کار د لړۍ څخه وخت په خت په منظم ډول څارنه کوي؛ ترڅو د پروژې ودانیزې چارې په لوړ کیفیت او د قرارداد او شرطپانې د موادو سره سم پلي شي.
