د هرات ښاروال او مل پلاوي له لوري د اسحاق سلیمان د ډبرین کانال د جوړولو پروژې پرانیسته او ګټې اخیستنې ته سپارل.

web_admin
شنبه ۱۴۰۵/۸/۲ - ۹:۲۵
د هرات ښاروال او مل پلاوي له لوري د اسحاق سلیمان د ډبرین کانال د جوړولو پروژې پرانیسته او ګټې اخیستنې ته سپارل.

د هرات ښار په دیارلسمه ناحیه کې د اسحاق سلیمان د ډبرین کانال د جوړولو پروژه، چې ۴۵۰ متره اوږدوالی لري، د هرات ښاروالۍ د پراختیايي بودیجې څخه د ۲ میلیونه او ۳۹۲ زره افغانیو په ټولیز لګښت بشپړه او ګټې اخیستنې ته وسپارل شوه.

یاده پروژه د هرات ښاروال محترم الحاج مولوي حمدالله نعماني له لوري، د ښاروالۍ د تخنیکي او مسلکي رئیس انجنیر محمد ایوب سیف‌الجهاد، د دفتر، څارنې او ارزونې آمریتونو، د دیارلسمې ناحیې آمریت د مسؤلینو، د سیمې د مشرانو او د یادې ناحیې د یو شمېر اوسېدونکو په حضور کې په رسمي ډول ګټې اخیستنې ته وسپارل شوه.

په همدې حال کې، د هرات ښار د دیارلسمې ناحیې اړوند د اسحاق سلیمان سیمې اوسېدونکو د دې پروژې د بشپړېدو او ګټې اخیستنې ته د سپارلو له امله خوښي څرګنده کړه او ویې ویل، چې د دغه کانال په جوړېدو سره د اوبو د ویالو او د سطحي اوبو د راټولېدو له امله رامنځته کېدونکې ستونزې، په ځانګړي ډول د ژمي په موسم کې، هوارې شوې او د سیمې اوسېدونکو ته د پام وړ اسانتیاوې برابرې شوې دي.

د یادونې وړ ده، چې دغه پروژه د «محمد کبیري» ساختماني او سړک جوړونې شرکت له لوري د څه باندې یوې میاشتې په موده کې بشپړه او ګټې اخیستنې ته وسپارل شوه.

تازه خبرونه

سه‌شنبه ۱۴۰۵/۸/۲۶ - ۱۰:۴۵
Background image

د هرات ښار د اتمې ناحیې اړوند د تخت صفر پارک په سیمه کې د مصنوعي چمن لرونکو ورزشي میدانونو د جوړولو پروژه، د هرات ښاروالۍ د پراختیایي بودیجې څخه د ۴ میلیونه او ۹۱۰ زره افغانیو په ټولیز لګښت په رسمي ډول پرانیستل شوه او عملي چارې یې پیل شوې.

دغه پروژه د هرات ښاروال الحاج مولوي حمدالله نعماني له لوري، د ښاري حکومتولۍ رئیس مولوي عبدالاحَد خیرخواه، د ښاروالۍ د دفتر او نظارت او ارزونې آمرینو او یو شمېر ښاریانو په حضور کې. . .

سه‌شنبه ۱۴۰۵/۸/۲۶ - ۱۰:۳۱
Background image

د هرات ښار په لومړۍ ناحیه کې د محبس سړک په شمالي څنډه کې د څه باندې ۴ میلیونه افغانیو په لګښت د کانال جوړولو پروژې پرانیسته او چاریې پیل شوې.

د محبس سړک په شمالي څنډه کې د کانال جوړولو پروژې چارې، چې ۷۲۰ متره اوږدوالی لري او د هرات ښاروالۍ د پراختیایي بودیجې څخه د ۴ میلیونه او ۱۰۰ زره افغانیو په لګښت، د هرات ښاروال الحاج. . .

شنبه ۱۴۰۵/۸/۲۳ - ۱۱:۲۳
Background image

د هرات ښاروالۍ د پراختیایي بودیجې څخه د شاوخوا یو میلیون افغانیو په لګښت د ګازرګاه شریف د ۲۱م ګذر د سړک د کانکریټ‌اچونې او د ویالو جوړولو پروژې پرانیسته او ګټې اخیستنې ته و سپارل شوه.

د ګازرګاه شریف په سیمه کې د حضرت عمر فاروق (رض) جومات اړوند د ۲۱م ګذر د سړک د سطحې د کانکریټ‌اچونې او د ناوداني ویالو جوړولو پروژه، چې ۲۵۰ متره اوږدوالی او ۵ متره سور لري، د هرات. . .

BACK TO NEWS