د هرات ښار د څوارلسمې ناحیې اړوند د زین‌العابدین سړکونو د اسفالټ پروژه بشپړه او ګټې اخیستنې ته و سپارل شوه.

web_admin
یکشنبه ۱۴۰۵/۵/۱۸ - ۱۱:۳۶
د هرات ښار د څوارلسمې ناحیې اړوند د زین‌العابدین سړکونو د اسفالټ پروژه بشپړه او ګټې اخیستنې ته و سپارل شوه.

د هرات ښاروال او مل پلاوي له لوري، د شاوخوا ۴.۵ میلیونه افغانیو په لګښت د هرات ښار د څوارلسمې ناحیې اړوند د زین‌العابدین سړکونو د اسفالټ پروژه بشپړه او ګټې اخیستنې ته وسپارل شوه.

دغه پروژه له ۴۰۰ مترو څخه زیات اوږدوالی لري، چې پلنوالی یې ۸ او ۱۲ متره دی او د سړک د دواړو غاړو د کانالونو جوړول هم پکښې شامل دي. یاده پروژه د «نګین عزیزي» ساختماني او سړک جوړونې شرکت له لوري تطبیق شوې ده.

د دې پروژې د ګټې اخیستنې مراسم د هرات ښاروال محترم الحاج مولوي حمدالله نعماني، د ښاروالۍ د تخنیکي او مسلکي رئیس انجنیر محمد ایوب سیف‌الجهاد، د څوارلسمې ناحیې آمر، د ښاروالۍ مقام د دفتر آمر، د نظارت او ارزونې آمریت د وارسي کونکي، د سیمې د مشرانو، د ګذر وکیلانو، د پراختیايي شوراګانو د رئیسـانو او د دې ادارې د اړوندو برخو د یو شمېر مسئولینو په حضور کې ترسره شول.

په همدې حال کې، د هرات ښار د څوارلسمې ناحیې اوسېدونکو د دې پروژې له پلي کېدو څخه خوښي څرګنده کړه او دا یې د سړکونو د وضعیت د ښه والي، د تګ راتګ د اسانتیا او د سطحي اوبو د مدیریت په برخه کې یو اغېزمن ګام وباله. هغوی همدارنګه د ښار د پراختیا او پرمختګ په برخه کې یې د هرات ښاروالۍ له ټولو پروګرامونو څخه خپل هر اړخیز ملاتړ څرګند کړ.

له بلې خوا، د قراردادي شرکت مسئولینو وویل چې دغه پروژه د ټاکل شویو تخنیکي مشخصاتو او معیارونو سره سم، د اړین کیفیت په رعایتولو سره تطبیق شوې ده.

تازه خبرونه

سه‌شنبه ۱۴۰۵/۸/۲۶ - ۱۰:۴۵
Background image

د هرات ښار د اتمې ناحیې اړوند د تخت صفر پارک په سیمه کې د مصنوعي چمن لرونکو ورزشي میدانونو د جوړولو پروژه، د هرات ښاروالۍ د پراختیایي بودیجې څخه د ۴ میلیونه او ۹۱۰ زره افغانیو په ټولیز لګښت په رسمي ډول پرانیستل شوه او عملي چارې یې پیل شوې.

دغه پروژه د هرات ښاروال الحاج مولوي حمدالله نعماني له لوري، د ښاري حکومتولۍ رئیس مولوي عبدالاحَد خیرخواه، د ښاروالۍ د دفتر او نظارت او ارزونې آمرینو او یو شمېر ښاریانو په حضور کې. . .

سه‌شنبه ۱۴۰۵/۸/۲۶ - ۱۰:۳۱
Background image

د هرات ښار په لومړۍ ناحیه کې د محبس سړک په شمالي څنډه کې د څه باندې ۴ میلیونه افغانیو په لګښت د کانال جوړولو پروژې پرانیسته او چاریې پیل شوې.

د محبس سړک په شمالي څنډه کې د کانال جوړولو پروژې چارې، چې ۷۲۰ متره اوږدوالی لري او د هرات ښاروالۍ د پراختیایي بودیجې څخه د ۴ میلیونه او ۱۰۰ زره افغانیو په لګښت، د هرات ښاروال الحاج. . .

شنبه ۱۴۰۵/۸/۲۳ - ۱۱:۲۳
Background image

د هرات ښاروالۍ د پراختیایي بودیجې څخه د شاوخوا یو میلیون افغانیو په لګښت د ګازرګاه شریف د ۲۱م ګذر د سړک د کانکریټ‌اچونې او د ویالو جوړولو پروژې پرانیسته او ګټې اخیستنې ته و سپارل شوه.

د ګازرګاه شریف په سیمه کې د حضرت عمر فاروق (رض) جومات اړوند د ۲۱م ګذر د سړک د سطحې د کانکریټ‌اچونې او د ناوداني ویالو جوړولو پروژه، چې ۲۵۰ متره اوږدوالی او ۵ متره سور لري، د هرات. . .

BACK TO NEWS