د هرات ښار د ماسټر پلان د معرفي کولو غونډه د سیمه‌ییزو مسئولینو، ښاروالۍ او د ښار د پنځلسو ناحیو د ګذر وکیلانو په حضور کې ترسره شوه.

web_admin
پنجشنبه ۱۴۰۵/۶/۱۲ - ۱۱:۱
د هرات ښار د ماسټر پلان د معرفي کولو غونډه د سیمه‌ییزو مسئولینو، ښاروالۍ او د ښار د پنځلسو ناحیو د ګذر وکیلانو په حضور کې ترسره شوه.

د هرات ښار ماسټر پلان په یوه غونډه کې، چې د سیمه‌ییزو مسئولینو، ښاروالۍ، د ښاري پراختیا مسئولینو، علماوو، د پوهنتون استادانو، د پنځلسو ناحیو د ګذر وکیلانو او د انکشافي شوراګانو د رئیسانو په ګډون جوړه شوې وه، معرفي شو؛ هغه طرحه چې مسئولین یې د هرات ښار د منظم، متوازن او راتلونکې‌محورې پراختیا لپاره د نقشې لارې په توګه یادوي.

محترم الحاج مولوي حمدالله نعماني، د هرات ښاروال، وایي چې د ښار د ماسټر پلان په عملي کېدو سره به د ښاري خدمتونو د ښه والي، د زیربناوو د پراختیا، د ښاري ځمکو د ښه مدیریت او د ښار د پراختیا په بهیر کې د نظم د رامنځته کولو زمینه برابره شي.

له بلې خوا، د هرات د ښاري پراختیا رئیس عبدالله اکبري وایي، دغه طرحه د ښار د راتلونکې پراختیا مسیر مشخصوي او کولی شي د ښار د بې‌رویه او نامنظمې پراختیا مخه ونیسي.

د هرات والي شیخ مولانا نوراحمد اسلام‌جار هم د ښار د ماسټر پلان پر اهمیت ټینګار کوي او وایي چې د دې طرحې پلي کول به د ښار د منظمې پراختیا زمینه برابره کړي او د عامه خدمتونو، اړینو زیربناوو او د ښار د اوسېدونکو د راتلونکو اړتیاوو په پوره کولو کې به مهم رول ولري.

په همدې حال کې، یو شمېر د پوهنتون استادانو او د ګذر وکیلانو د ښار د ماسټر پلان له معرفي کېدو هرکلی کړی او د دې طرحې تطبیق یې د هرات ښار د نظم، ښکلا او متوازن پرمختګ لپاره مهم ګام بللی دی.

د مسئولینو په وینا، د ښار د ماسټر پلان په ترتیب کې د هرات د پراختیا اړتیاوې او د ښار راتلونکی لیدلوری په پام کې نیول شوی او د دې طرحې په پلي کېدو سره به د ودانیزو چارو، زیربناوو د پراختیا، د ښاري ځمکو د استفادې او ښاري خدمتونو د وړاندې کولو بهیر د یوه منظم پلان په چوکاټ کې پرمخ یووړل شي.

د ښار ماسټر پلان د ښارونو د پراختیا د مدیریت او لارښوونې له اساسي سندونو څخه ګڼل کېږي، چې موخه یې د ښاري نظم رامنځته کول، د بې‌رویه پراختیا مخنیوی، د ښاري سیمو متوازن پرمختګ او د زیربناوو او عامه خدمتونو د پراختیا لپاره د مناسبې زمینې برابرول دي.

د هرات ښار اوسېدونکي هم هیله لري چې د دې طرحې په عملي تطبیق سره به د ښاري پراختیا په برخه کې شته ستونزې راکمې او د منظم، ښکلي او له غوره ښاري خدمتونو برخمن ښار د رامنځته کېدو زمینه برابره شي.

تازه خبرونه

سه‌شنبه ۱۴۰۵/۸/۲۶ - ۱۰:۴۵
Background image

د هرات ښار د اتمې ناحیې اړوند د تخت صفر پارک په سیمه کې د مصنوعي چمن لرونکو ورزشي میدانونو د جوړولو پروژه، د هرات ښاروالۍ د پراختیایي بودیجې څخه د ۴ میلیونه او ۹۱۰ زره افغانیو په ټولیز لګښت په رسمي ډول پرانیستل شوه او عملي چارې یې پیل شوې.

دغه پروژه د هرات ښاروال الحاج مولوي حمدالله نعماني له لوري، د ښاري حکومتولۍ رئیس مولوي عبدالاحَد خیرخواه، د ښاروالۍ د دفتر او نظارت او ارزونې آمرینو او یو شمېر ښاریانو په حضور کې. . .

سه‌شنبه ۱۴۰۵/۸/۲۶ - ۱۰:۳۱
Background image

د هرات ښار په لومړۍ ناحیه کې د محبس سړک په شمالي څنډه کې د څه باندې ۴ میلیونه افغانیو په لګښت د کانال جوړولو پروژې پرانیسته او چاریې پیل شوې.

د محبس سړک په شمالي څنډه کې د کانال جوړولو پروژې چارې، چې ۷۲۰ متره اوږدوالی لري او د هرات ښاروالۍ د پراختیایي بودیجې څخه د ۴ میلیونه او ۱۰۰ زره افغانیو په لګښت، د هرات ښاروال الحاج. . .

شنبه ۱۴۰۵/۸/۲۳ - ۱۱:۲۳
Background image

د هرات ښاروالۍ د پراختیایي بودیجې څخه د شاوخوا یو میلیون افغانیو په لګښت د ګازرګاه شریف د ۲۱م ګذر د سړک د کانکریټ‌اچونې او د ویالو جوړولو پروژې پرانیسته او ګټې اخیستنې ته و سپارل شوه.

د ګازرګاه شریف په سیمه کې د حضرت عمر فاروق (رض) جومات اړوند د ۲۱م ګذر د سړک د سطحې د کانکریټ‌اچونې او د ناوداني ویالو جوړولو پروژه، چې ۲۵۰ متره اوږدوالی او ۵ متره سور لري، د هرات. . .

BACK TO NEWS