د هرات ښاروالۍ د پراختیايي بودیجې څخه د شاوخوا ۳.۵ میلیونه افغانیو په لګښت، د باروړونکو موټرو ترمینل سوېل لوري سړک د کانکریټ‌ریزي پروژه بشپړه او ګټې اخیستنې ته وسپارل شوه.

web_admin
شنبه ۱۴۰۵/۸/۲ - ۹:۳۸
د هرات ښاروالۍ د پراختیايي بودیجې څخه د شاوخوا ۳.۵ میلیونه افغانیو په لګښت، د باروړونکو موټرو ترمینل سوېل لوري سړک د کانکریټ‌ریزي پروژه بشپړه او ګټې اخیستنې ته وسپارل شوه.

دغه پروژه، چې د هرات ښار په دیارلسمه ناحیه کې موقعیت لري، د هرات ښاروالۍ د پراختیايي بودیجې څخه د ۳ میلیونه او ۲۸۹ زره او ۶۹۰ افغانیو په ټولیز لګښت بشپړه شوې ده.

یاده پروژه، چې ۴۶۰ متره اوږدوالی او ۱۰ متره سور لري، د هرات ښاروال محترم الحاج مولوي حمدالله نعماني له لوري، د ښاروالۍ د تخنیکي او مسلکي رئیس انجنیر محمد ایوب سیف‌الجهاد، د دفتر، څارنې او ارزونې آمریتونو، د دیارلسمې ناحیې اړوندو برخو د مسؤلینو، د ګذر وکیلانو، د پراختیايي شوراګانو د رئیسانو او یو شمېر سیمه‌ییزو اوسېدونکو په حضور کې په رسمي ډول پرانیستل شوه او ګټې اخیستنې ته وسپارل شوه.

د هرات ښاروالۍ مسؤلینو د پراختیايي پروژو د کار کیفیت ته په اشارې سره ډاډ ورکړ، چې د دې پروژې د تطبیق بهیر د ښاروالۍ د مسؤلینو او څارونکو انجنیرانو له لوري په دوامداره توګه څارل شوی او د کار کیفیت او د تخنیکي معیارونو رعایت ته یې د پروژې د تطبیق په بېلابېلو پړاوونو کې ځانګړې پاملرنه شوې ده.

په همدې حال کې، د سیمې اوسېدونکو د دې پروژې د بشپړېدو له امله خوښي څرګنده کړه او د باروړونکو موټرو ترمینل سوېل لوري سړک کانکریټ‌ریزي یې د تګ راتګ د ښه‌والي، د ترانسپورتي ستونزو د کمېدو او د هرات ښار د دیارلسمې ناحیې د اوسېدونکو لپاره د اسانتیاوو د رامنځته کېدو په برخه کې اغېزمنه وبلله او د دې پروژې هرکلی یې وکړ.

بل لور ته، د «عمران بختیار» ساختماني او سړک جوړونې شرکت مسؤلینو څرګنده کړه، چې د دې پروژې چارې د تخنیکي معیارونو سره سم، د څه باندې دوو میاشتو په موده کې بشپړې او ګټې اخیستنې ته وسپارل شوې.

تازه خبرونه

سه‌شنبه ۱۴۰۵/۸/۲۶ - ۱۰:۴۵
Background image

د هرات ښار د اتمې ناحیې اړوند د تخت صفر پارک په سیمه کې د مصنوعي چمن لرونکو ورزشي میدانونو د جوړولو پروژه، د هرات ښاروالۍ د پراختیایي بودیجې څخه د ۴ میلیونه او ۹۱۰ زره افغانیو په ټولیز لګښت په رسمي ډول پرانیستل شوه او عملي چارې یې پیل شوې.

دغه پروژه د هرات ښاروال الحاج مولوي حمدالله نعماني له لوري، د ښاري حکومتولۍ رئیس مولوي عبدالاحَد خیرخواه، د ښاروالۍ د دفتر او نظارت او ارزونې آمرینو او یو شمېر ښاریانو په حضور کې. . .

سه‌شنبه ۱۴۰۵/۸/۲۶ - ۱۰:۳۱
Background image

د هرات ښار په لومړۍ ناحیه کې د محبس سړک په شمالي څنډه کې د څه باندې ۴ میلیونه افغانیو په لګښت د کانال جوړولو پروژې پرانیسته او چاریې پیل شوې.

د محبس سړک په شمالي څنډه کې د کانال جوړولو پروژې چارې، چې ۷۲۰ متره اوږدوالی لري او د هرات ښاروالۍ د پراختیایي بودیجې څخه د ۴ میلیونه او ۱۰۰ زره افغانیو په لګښت، د هرات ښاروال الحاج. . .

شنبه ۱۴۰۵/۸/۲۳ - ۱۱:۲۳
Background image

د هرات ښاروالۍ د پراختیایي بودیجې څخه د شاوخوا یو میلیون افغانیو په لګښت د ګازرګاه شریف د ۲۱م ګذر د سړک د کانکریټ‌اچونې او د ویالو جوړولو پروژې پرانیسته او ګټې اخیستنې ته و سپارل شوه.

د ګازرګاه شریف په سیمه کې د حضرت عمر فاروق (رض) جومات اړوند د ۲۱م ګذر د سړک د سطحې د کانکریټ‌اچونې او د ناوداني ویالو جوړولو پروژه، چې ۲۵۰ متره اوږدوالی او ۵ متره سور لري، د هرات. . .

BACK TO NEWS