د هرات ولایت د پنج ستاره هوټل پر دېوالونو د انکشافي پروژو انځورګري او رنګول، او د عالیقدر امیرالمؤمنین حفظه‌الله د پیغامونو لیکل!

web_admin
چهارشنبه ۱۴۰۵/۶/۱۸ - ۹:۵۷
د هرات ولایت د پنج ستاره هوټل پر دېوالونو د انکشافي پروژو انځورګري او رنګول، او د عالیقدر امیرالمؤمنین حفظه‌الله د پیغامونو لیکل!

د هرات ولایت د محترم مقام د لارښوونې له مخې او د ښاري سړکونو او څلورلارو د ښکلا په موخه، د هرات ښاروالۍ د ښاري حکومتولۍ ریاست د فرهنګي او ټولنیزو چارو آمریت، د باغ اسلامي څلورلارې او د هرات د پنج ستاره هوټل دېوالونه رنګ کړل، انځورګري یې پرې ترسره کړه او د عالیقدر امیرالمؤمنین حفظه‌الله په پیغامونو یې ښکلي کړل.

د هرات ښاروال، محترم الحاج مولوي حمدالله نعماني، د پنج ستاره هوټل د دېوالونو د رنګولو له بهیر څخه د لیدنې پر مهال، د ښاري عمومي او فرعي سړکونو د پاکوالي او ښکلا پر ساتنې د ټینګار ترڅنګ، د هرات ښاروالۍ د تنظیف او شنه‌والي برخو مسئولینو ته لارښوونه وکړه، چې د پاک‌کارۍ، د پارکونو او شنو ساحو د ساتنې په برخه کې لا ډېرې هڅې وکړي.

د هرات ښاروال د عالیقدر امیرالمؤمنین حفظه‌الله د پیغامونو خپرول د بېلابېلو لارو چارو له مخې، د اسلامي امارت د رهبرۍ د فرمانونو او احکامو د تطبیق په برخه کې ګټور وبلل.

په همدې حال کې، د هرات ښاروالۍ د ښاري حکومتولۍ رئیس، مولوي عبدالواحد خیرخواه، وایي چې د دې ریاست د فرهنګي او ټولنیزو چارو آمریت د سترو انکشافي پروژو، لکه سلما بند، پاشدان بند، د هرات – خواف د اوسپنې پټلۍ، د ټاپي پروژه او د هرات د سمنټو پروژه، د انځورونو په طرحه کولو سره د دې ګڼې ګوڼې سیمې ښکلا لا زیاته کړې او د سترو انکشافي پروژو د تطبیق په اړه یې د ښاریزانو د هیلو او باور سبب ګرځېدلی دی.

په ورته وخت کې، د دې ریاست د فرهنګي او ټولنیزو چارو آمر، حاجي مولوي غلام حضرت امیني، وایي چې د باغ اسلامي څلورلارې او د پنځه ستوري هوټل د دېوالونو په موقعیتونو کې په ټولیز ډول د ۷۵۰ مترو څخه په زیاته کچه انځورګري او رنګول ترسره شوي دي او ټاکل شوې چې په نږدې راتلونکي کې د عامه ځایونو یو شمېر نور دېوالونه هم د دغه آمریت له لوري رنګ او شعارونه پرې ولیکل شي.

تازه خبرونه

سه‌شنبه ۱۴۰۵/۸/۲۶ - ۱۰:۴۵
Background image

د هرات ښار د اتمې ناحیې اړوند د تخت صفر پارک په سیمه کې د مصنوعي چمن لرونکو ورزشي میدانونو د جوړولو پروژه، د هرات ښاروالۍ د پراختیایي بودیجې څخه د ۴ میلیونه او ۹۱۰ زره افغانیو په ټولیز لګښت په رسمي ډول پرانیستل شوه او عملي چارې یې پیل شوې.

دغه پروژه د هرات ښاروال الحاج مولوي حمدالله نعماني له لوري، د ښاري حکومتولۍ رئیس مولوي عبدالاحَد خیرخواه، د ښاروالۍ د دفتر او نظارت او ارزونې آمرینو او یو شمېر ښاریانو په حضور کې. . .

سه‌شنبه ۱۴۰۵/۸/۲۶ - ۱۰:۳۱
Background image

د هرات ښار په لومړۍ ناحیه کې د محبس سړک په شمالي څنډه کې د څه باندې ۴ میلیونه افغانیو په لګښت د کانال جوړولو پروژې پرانیسته او چاریې پیل شوې.

د محبس سړک په شمالي څنډه کې د کانال جوړولو پروژې چارې، چې ۷۲۰ متره اوږدوالی لري او د هرات ښاروالۍ د پراختیایي بودیجې څخه د ۴ میلیونه او ۱۰۰ زره افغانیو په لګښت، د هرات ښاروال الحاج. . .

شنبه ۱۴۰۵/۸/۲۳ - ۱۱:۲۳
Background image

د هرات ښاروالۍ د پراختیایي بودیجې څخه د شاوخوا یو میلیون افغانیو په لګښت د ګازرګاه شریف د ۲۱م ګذر د سړک د کانکریټ‌اچونې او د ویالو جوړولو پروژې پرانیسته او ګټې اخیستنې ته و سپارل شوه.

د ګازرګاه شریف په سیمه کې د حضرت عمر فاروق (رض) جومات اړوند د ۲۱م ګذر د سړک د سطحې د کانکریټ‌اچونې او د ناوداني ویالو جوړولو پروژه، چې ۲۵۰ متره اوږدوالی او ۵ متره سور لري، د هرات. . .

BACK TO NEWS