د هرات ښار مرکز کې تر ځمکې لاندې سړک پروژې د دویمې برخې ودانیزې چارې روانې دي.
د زیر ګذر د جوړولو پروژې دغه برخه د درېیمې ناحیې اړوند د فرهنګ چوک څخه بیا د مخابراتو تر جادې غځیدلې او ۳۲۰ متر اوږدوالی او ۸ متر پلنوالی لري، چې د هرات ښاروالۍ له لوري ودانیزې چارې يې په خورا چټکۍ سره روانې دي.
د زیرګذر پروژه دوه فازه لري، چې ټولیز اوږدوالی يې ۶۴۰ متر او پلنوالی يې ۸ متر دی ،چې د دویمې او درېیمې ناحیو اړوند د فهیم مارکیټ څخه بیا د اوبو رسولو تر ریاست او له دغه ځایه بیا د مخابراتو تر جادې پورې غځیدلې او د هرات ښاروالۍ پرمختیايي بودیجې څخه د نژدې ۷۰ میلیون افغانۍ په ارزښت د پلي کېدو په حال کې ده.
د ویلو ده، چې د زیرګذر پروژې په پلي کېدو سره د ترافیکي ستونزو څخه به مخنیوی وشي، ګڼه ګوڼې کچه به راټيټه شي او ښاریانو ته به د تګ راتګ په برخه کې زیاتې آسانتیاوي برابرې شي.
