د هرات ښار د نهمې ناحیې اړوند، د باغ زنانه له سیمې څخه تر درب ملک پورې د کانکریټي کانال د جوړولو پروژې چارې، د هرات ښاروالۍ د پراختیايي بودجې څخه د څه باندې ۴.۶ میلیونه افغانیو په لګښت، په رسمي ډول پرانیستل شوه.

web_admin
سه‌شنبه ۱۴۰۵/۵/۱۳ - ۱۰:۵۸
د هرات ښار د نهمې ناحیې اړوند، د باغ زنانه له سیمې څخه تر درب ملک پورې د کانکریټي کانال د جوړولو پروژې چارې، د هرات ښاروالۍ د پراختیايي بودجې څخه د څه باندې ۴.۶ میلیونه افغانیو په لګښت، په رسمي ډول پرانیستل شوه.

د سطحي اوبو د اغېزمن مدیریت، د سړکونو د تخریب د مخنیوي، د اوبو د ډنډېدو له امله د رامنځته کېدونکو ستونزو د کمولو او د ښاري زیربناوو د پراختیا په موخه، د هرات ښار د نهمې ناحیې اړوند د رنانه باغ له سیمې څخه تر درب ملک پورې د کانکریټي کانال د جوړولو پروژه، چې ۷۹۰ متره اوږدوالی لري، د هرات ښاروالۍ د پراختیايي بودجې څخه د ۴ میلیونه، ۶۱۴ زره او ۴۳۴ افغانیو په لګښت، د هرات ښاروال محترم الحاج مولوي حمدالله نعماني له خوا، د ښاروالۍ د فني او مسلکي رئیس انجنیر محمد ایوب سیف‌الجهاد، د دفتر آمر او د سیمې د یو شمېر اوسېدونکو په حضور کې، د «آسمان سا» ساختماني شرکت له لوري په رسمي ډول پرانیستل او عملي کار یې پیل شو.

د «آسمان سا» ساختماني شرکت مسئولینو ډاډ ورکړ چې یاده پروژه به د ټاکل شویو تخنیکي معیارونو سره سم، په لوړ کیفیت او ټاکلې مودې کې بشپړه او ګټې اخیستنې ته وسپارل شي.

په همدې حال کې، د هرات ښار د نهمې ناحیې یو شمېر اوسېدونکو د دې پروژې د کار له پیل څخه خوښي څرګنده کړه او ویې ویل، چې د پروژې په بشپړېدو سره به د دوی د تګ راتګ ستونزې تر ډېره هوارې شي، او همدارنګه به د استوګنیزو کورونو، دوکانونو او سړکونو پر لور د اوبو د بهېدو مخه ونیول شي.

د یادونې وړ ده، چې ټاکل شوې دغه پروژه د دریو تقویمي میاشتو په موده کې بشپړه او ګټې اخیستنې ته وسپارل شي.

تازه خبرونه

سه‌شنبه ۱۴۰۵/۸/۲۶ - ۱۰:۴۵
Background image

د هرات ښار د اتمې ناحیې اړوند د تخت صفر پارک په سیمه کې د مصنوعي چمن لرونکو ورزشي میدانونو د جوړولو پروژه، د هرات ښاروالۍ د پراختیایي بودیجې څخه د ۴ میلیونه او ۹۱۰ زره افغانیو په ټولیز لګښت په رسمي ډول پرانیستل شوه او عملي چارې یې پیل شوې.

دغه پروژه د هرات ښاروال الحاج مولوي حمدالله نعماني له لوري، د ښاري حکومتولۍ رئیس مولوي عبدالاحَد خیرخواه، د ښاروالۍ د دفتر او نظارت او ارزونې آمرینو او یو شمېر ښاریانو په حضور کې. . .

سه‌شنبه ۱۴۰۵/۸/۲۶ - ۱۰:۳۱
Background image

د هرات ښار په لومړۍ ناحیه کې د محبس سړک په شمالي څنډه کې د څه باندې ۴ میلیونه افغانیو په لګښت د کانال جوړولو پروژې پرانیسته او چاریې پیل شوې.

د محبس سړک په شمالي څنډه کې د کانال جوړولو پروژې چارې، چې ۷۲۰ متره اوږدوالی لري او د هرات ښاروالۍ د پراختیایي بودیجې څخه د ۴ میلیونه او ۱۰۰ زره افغانیو په لګښت، د هرات ښاروال الحاج. . .

شنبه ۱۴۰۵/۸/۲۳ - ۱۱:۲۳
Background image

د هرات ښاروالۍ د پراختیایي بودیجې څخه د شاوخوا یو میلیون افغانیو په لګښت د ګازرګاه شریف د ۲۱م ګذر د سړک د کانکریټ‌اچونې او د ویالو جوړولو پروژې پرانیسته او ګټې اخیستنې ته و سپارل شوه.

د ګازرګاه شریف په سیمه کې د حضرت عمر فاروق (رض) جومات اړوند د ۲۱م ګذر د سړک د سطحې د کانکریټ‌اچونې او د ناوداني ویالو جوړولو پروژه، چې ۲۵۰ متره اوږدوالی او ۵ متره سور لري، د هرات. . .

BACK TO NEWS