د هرات ښار د درېیمې ناحیې د دویم ګذر اړوند د مخابراتو سړک په جنوبي برخه کې د کانال جوړولو پروژه، چې ۷۳۵ متره اوږدوالی او ۰.۹ متره پلنوالی لري، د هرات ښاروالۍ له پراختیايي بودجې څخه د شاوخوا ۳.۵ میلیونه افغانیو په لګښت بشپړه او ګټې اخیستنې ته وسپارل شوه.

web_admin
یکشنبه ۱۴۰۵/۷/۲۶ - ۱۳:۳۹
د هرات ښار د درېیمې ناحیې د دویم ګذر اړوند د مخابراتو سړک په جنوبي برخه کې د کانال جوړولو پروژه، چې ۷۳۵ متره اوږدوالی او ۰.۹ متره پلنوالی لري، د هرات ښاروالۍ له پراختیايي بودجې څخه د شاوخوا ۳.۵ میلیونه افغانیو په لګښت بشپړه او ګټې اخیستنې ته وسپارل شوه.

دغه پروژه د هرات ښاروالۍ د محترم ښاروال الحاج مولوي حمدالله نعماني له لوري، د ښاروالۍ د فني او مسلکي رئیس انجنیر محمد ایوب سیف‌الجهاد، د دفتر او څارنې او ارزونې آمرینو، د درېیمې ناحیې د اړوندو څانګو مسئولینو، د سیمې د مشرانو، د ګذر وکیلانو، د پراختیايي شوراګانو د رئیسانو او یو شمېر اوسېدونکو په حضور کې په رسمي ډول پرانیستل شوه.

یاده پروژه د سطحي اوبو د ښه مدیریت، د سړکونو د ویجاړېدو د مخنیوي او د هرات ښار په درېیمه ناحیه کې د ښاري زیربناوو د وضعیت د ښه والي په موخه پلې شوې ده.

په همدې حال کې، د هرات ښار د درېیمې ناحیې یو شمېر اوسېدونکو د دغې پروژې د بشپړېدو او ګټې اخیستنې ته د سپارلو هرکلی وکړ او دا یې د سطحي اوبو له امله د رامنځته کېدونکو ستونزو د کمولو، د سړکونو د وضعیت د ښه والي او د ښاري خدمتونو د کیفیت د لوړولو په برخه کې یو اغېزمن ګام وباله.

له بلې خوا، د قراردادي شرکت مسئولینو څرګنده کړه چې یاده پروژه یې د ټاکل شوو تخنیکي معیارونو او ټاکلې مودې په چوکاټ کې بشپړه کړې ده.

د یادونې وړ ده چې دغه پروژه د «هري سیکارام» ساختماني او سړک جوړونې شرکت له لوري د څه باندې دوو میاشتو په موده کې بشپړه او ګټې اخیستنې ته وسپارل شوه.

تازه خبرونه

سه‌شنبه ۱۴۰۵/۸/۲۶ - ۱۰:۴۵
Background image

د هرات ښار د اتمې ناحیې اړوند د تخت صفر پارک په سیمه کې د مصنوعي چمن لرونکو ورزشي میدانونو د جوړولو پروژه، د هرات ښاروالۍ د پراختیایي بودیجې څخه د ۴ میلیونه او ۹۱۰ زره افغانیو په ټولیز لګښت په رسمي ډول پرانیستل شوه او عملي چارې یې پیل شوې.

دغه پروژه د هرات ښاروال الحاج مولوي حمدالله نعماني له لوري، د ښاري حکومتولۍ رئیس مولوي عبدالاحَد خیرخواه، د ښاروالۍ د دفتر او نظارت او ارزونې آمرینو او یو شمېر ښاریانو په حضور کې. . .

سه‌شنبه ۱۴۰۵/۸/۲۶ - ۱۰:۳۱
Background image

د هرات ښار په لومړۍ ناحیه کې د محبس سړک په شمالي څنډه کې د څه باندې ۴ میلیونه افغانیو په لګښت د کانال جوړولو پروژې پرانیسته او چاریې پیل شوې.

د محبس سړک په شمالي څنډه کې د کانال جوړولو پروژې چارې، چې ۷۲۰ متره اوږدوالی لري او د هرات ښاروالۍ د پراختیایي بودیجې څخه د ۴ میلیونه او ۱۰۰ زره افغانیو په لګښت، د هرات ښاروال الحاج. . .

شنبه ۱۴۰۵/۸/۲۳ - ۱۱:۲۳
Background image

د هرات ښاروالۍ د پراختیایي بودیجې څخه د شاوخوا یو میلیون افغانیو په لګښت د ګازرګاه شریف د ۲۱م ګذر د سړک د کانکریټ‌اچونې او د ویالو جوړولو پروژې پرانیسته او ګټې اخیستنې ته و سپارل شوه.

د ګازرګاه شریف په سیمه کې د حضرت عمر فاروق (رض) جومات اړوند د ۲۱م ګذر د سړک د سطحې د کانکریټ‌اچونې او د ناوداني ویالو جوړولو پروژه، چې ۲۵۰ متره اوږدوالی او ۵ متره سور لري، د هرات. . .

BACK TO NEWS